Mipartisipar ang Dapitan City Fire Station sa 3rd Quarter City Peace and Order Council (CPOC) Meeting nga gipahigayon niadtong Hulyo 13, 2026 sa New Government Center sa Barangay Dawo, Dapitan City.
Girepresentahan ni Acting City Fire Marshal FSINSP Rommel M. Rojas ang Bureau of Fire Protection sa maong tigom diin gihisgutan ang mga isyu sa kalinaw ug kahapsay, mga inisyatibo sa public safety, pagpangandam sa katalagman, ug uban pang mga lakang alang sa kaayohan sa komunidad.
Gipalig-on usab sa maong miting ang koordinasyon ug panagtambayayong tali sa lokal nga pangagamhanan, mga law enforcement agencies, ug uban pang mga ahensya aron mapadayon ang malinawon, luwas, ug andam nga komunidad sa Dapitan City.
Matod sa Dapitan City Fire Station, magpadayon kini sa aktibong pag-apil sa mga paningkamot nga nagpalig-on sa public safety, emergency preparedness, ug community resilience pinaagi sa lig-on nga panag-uban sa City Government ug mga kaabag nga ahensya.(IKEN B. GULLEM)
Source: BFP R9 Dapitan City Fire Station