Gipalig-on sa Dapitan City Police Station ang kampanya batok sa bullying pinaagi sa pagbutang og informational standee kabahin sa Anti-Bullying Act of 2013 sa Dapitan City National High School sa Barangay Lawaan niadtong Hulyo 13.
Gipangulohan ni PCMS Marwin L. Cimafranca, CCAD PNCO sa Dapitan City Police Station, ang inisyatiba nga nagtumong sa pagpalambo sa kahibalo sa mga estudyante, magtutudlo, ug mga kawani sa eskwelahan bahin sa mga probisyon sa balaod ug sa importansya sa pagreport ug pagpugong sa mga insidente sa bullying.
Gilauman nga pinaagi sa padayon nga information and education campaign, mapalig-on ang kultura sa respeto, disiplina, ug kaluwasan sulod sa mga eskwelahan, samtang mapreserbar ang luwas ug inklusibong palibot alang sa pagkat-on.
Nagpadayon ang Dapitan City Police Station sa pagtinabangay uban sa mga institusyong pang-edukasyon aron mapalambo ang kahibalo sa kabatan-onan ug mapugngan ang bullying sa komunidad.(IKEN B. GULLEM)
Source: PNP Dapitan City Police Station