Gipangulohan ni Jose Rizal Memorial State University (JRMSU) System President, Dr. Maria Rio A. Naguit, ang usa ka courtesy visit ngadto kang City Mayor Roberto Y. Uy, aron hisgutan ang mga bag-ong kalamboan nga may kalabutan sa Dipolog Campus sa unibersidad nga gipahigayon niadtong Setyembre 3, 2025 didto sa Mayor’s office ning syudad sa Dipolog.
Sa maong panagpulong, kauban ni Dr. Naguit, ang ubang nanguna nga opisyal sa unibersidad, lakip na sila Dr. Rizza B. Bagalanon, Bise Presidente alang sa Research, Development ug Extension, Atty. Nizza L. Absin, Bise Presidente alang sa Finance, ug Dr. Marvin A. Recapente, Campus Director sa JRMSU Dipolog.
Gi-accomodate sila ni Mayor Uy sa iyang buhatan, diin gihisgutan ang nagpadayon nga mga proyekto ug plano alang sa pagpalambo sa Dipolog Campus. Lakip sa mga nahisgutan ang pagpasiugda sa kalidad sa edukasyon, pag-andam sa dugang pasilidad, ug pagtukod sa dugang partnership tali sa unibersidad ug lokal nga pangagamhanan.
Gilauman nga pinaagi sa lig-on nga pakigtambayayong tali sa JRMSU ug lokal nga pamunuan, mas mapalambo pa ang kalidad sa edukasyon ug serbisyo alang sa mga estudyante sa Dipolog Campus ug sa komunidad sa Dipolog City.(Jumalisa Papa)
Source: Dipolog City Government