Ang mga personahe sa Liloy Municipal Police Station (MPS) hugtanong gipatuman ang mobile checkpoint aron masiguro ang seguridad ug pagsunod sa balaod sa lungsod sa Liloy Zamboanga del Norte, niadtong nakalabay’ng adlaw.
Ang maong operasyon gihimo ubos sa direktiba sa Philippine National Police (PNP) isip kabahin sa padayon nga kampanya batok sa kriminalidad, iligal nga armas, ug pagpugong sa lihok sa mga pribadong armado nga grupo. Ang checkpoint nagtumong usab sa pagpahimangno sa katawhan bahin sa kahinungdanon sa pagsunod sa trapiko ug uban pang lagda sa kaluwasan sa kalsada.
Matod pa sa kapulisan, ang mga motorista nga moagi sa checkpoint kinahanglan magdala og kumpletong dokumento sa ilang sakyanan ug lisensya aron malikayan ang kalapasan. Gilauman nga pinaagi sa maong kalihokan, mas mapalig-on ang presensya sa kapulisan ug ang kooperasyon sa komunidad alang sa malinawon ug luwas nga palibot.(Jumalisa Papa)
Source: Liloy MPS