Sa gipakusgan nga kampanya batok sa ilegal drugs usa ka anti-illegal drug operation ang malampusong gipahigayon sa mga personahe sa kapulisan nga miresulta sa pagkasikop sa usa ka suspek sa ilegal nga drugas, didto sa Brgy.Poblacion Mutia, Zambonga del Norte, Septiyembre 4,2025.
Ang nasangpit nga suspek kinsa nasakmitan ug kapin o kulang 1.5 gramos nga shabu nga adunay gibanabanang kantidad nga Php 10,200.00 pinaagi sa pagpatuman sa search warrant alang sa kalapasan sa RA 9165 nga gihimo sa mga personahe sa Mutia Municipal Police Station (MPS).
Kining malampuson nga operasyon nagpasiugda sa walay hunong nga dedikasyon sa mga personahe sa kapulisan pagpanalipod sa mga komunidad batok sa kriminalidad. (Medalyn U. Borja)
Source: Mutia MPS ZNPPO