Gidumala sa Department of Labor and Employment (DOLE) Zamboanga del Norte Field Office, uban sa Sindangan FACOMA Community Multi-Purpose Cooperative, ang pagpanghatag og ₱439,000 nga sweldo ngadto sa 50 ka benepisyaryo sa Tulong Panghanapbuhay sa Ating Disadvantaged (TUPAD) workers sa Munisipyo sa Sindangan niadtong Hulyo 3.
Sulod sa 20 ka adlaw, ang mga benepisyaryo mipahigayon og mga kalihokan sa agroforestry ug miapil usab sa Brigada Eskwela gikan Hunyo 1 hangtod 5 aron motabang sa pagpangandam sa mga pampublikong eskwelahan alang sa pagsugod sa klase.
Gidawat sa mga benepisyaryo ang ilang sweldo pinaagi sa giila nga financial partner o money remittance center sa programa, diin gitambongan usab ang payout sa mga opisyal sa DOLE.
Padayon nga gipalig-on sa TUPAD Program ang paghatag og temporaryong trabaho ug dayong pinansyal nga suporta ngadto sa mga kabus ug nawadan og panginabuhian, isip kabahin sa paningkamot sa DOLE sa pagtabang sa panginabuhi sa mga komunidad.(IKEN B. GULLEM)
Source: Dole IX- Zamboanga del Norte Field office