Uban sa temang “Mas Daghang Trabaho, Mas Maayong Kinabuhi,” pagahigayonon ang Job Fair 2026 sa Hunyo 16, 2026 sa Roxas Municipal Gymnasium aron mahatagan ug mas daghang oportunidad sa panarbaho ang mga residente sa lungsod ug silingang mga lugar.
Gilauman nga magtambong ang nagkadaiyang mga kompanya ug employers nga adunay mga bakanteng posisyon sa lainlaing industriya. Ang maong kalihokan maghatag higayon sa mga aplikante nga direktang makigkita sa mga employer, makasumite sa ilang mga dokumento, ug posibleng ma-interbyu sa adlaw mismo.
Tumong sa Job Fair 2026 nga mapalapad ang access sa trabaho ug makatampo sa pagpauswag sa panginabuhian sa mga lumulupyo. Gidasig usab ang mga job seekers nga magdala sa updated resume ug valid IDs aron mahimong andam sa proseso sa aplikasyon.(IKEN B. GULLEM)
Source: Roxas Zambonorte