LILOY, Zamboanga del Norte — Nagpadayon ang Liloy District Jail sa pagpalig-on sa kahibalo ug kahanas sa Persons Deprived of Liberty (PDLs) pinaagi sa Electrical Installation and Maintenance (EIM) NC II Training nga gipahigayon sa pakigtambayayong sa TESDA.
Ubos sa pagdumala ni JCINSP Joseph Rey M. Lendio, ang maong programa nagtumong sa paghatag og teknikal nga kahanas sa mga PDL aron maandam sila sa mga oportunidad sa trabaho ug panginabuhian sa higayon nga makabalik na sila sa komunidad.
Pinaagi sa pagbansay, nakakat-on ang mga partisipante sa mga batakang konsepto ug praktikal nga pamaagi sa electrical installation ug maintenance, usa sa mga kasanayang adunay taas nga panginahanglan sa labor market.
Sumala sa mga opisyal sa jail facility, ang programa kabahin sa padayon nga paningkamot sa BJMP sa rehabilitasyon ug pag-andam sa mga PDL alang sa produktibo ug responsableng pagbalik sa katilingban.
Gilauman nga ang maong training makahatag og bag-ong paglaom ug mas maayong kaugmaon sa mga partisipante pinaagi sa kahanas nga ilang magamit alang sa trabaho ug panginabuhian sa umaabot.(JENIFFER JR. DELICA)
Source: Liloy District Jail- BJMPR9