Nagkatigom ang mga representante sa nagkadaiyang ahensya sa gobyerno ug partner organizations atol sa Information and Service Delivery Network (ISDN) Meeting for Adolescent Health and Development (AHD) nga gipahigayon niadtong Hunyo 10 sa Top Plaza Hotel sa Dipolog City.
Gipangunahan ang maong kalihokan sa ChildFund Philippines Foundation, Inc. sa pakigtambayayong sa City Government of Dipolog pinaagi sa City Population Office (POPCOM) aron mapalig-on ang mga programa ug serbisyo alang sa kahimsog ug kauswagan sa mga kabatan-onan.
Lakip sa mga gihisgutan sa tigom ang presentasyon sa datos bahin sa Adolescent Sexual and Reproductive Health (ASRH), mga update sa nagpadayon nga mga programa ug inisyatiba, ug ang paghulma sa ISDN Action Plan alang sa mas organisado ug epektibong paghatag sa mga serbisyo ngadto sa kabatan-onan.
Gitambongan usab sa ang maong tigom sa mga opisyal ug representante gikan sa POPCOM, City Health Office, Department of Education, City Social Welfare and Development Office, Philippine National Police, Department of Social Welfare and Development, Department of Labor and Employment, ug uban pang mga stakeholder.(IKEN B. GULLEM)
Source: Dipolog City Government