Wala nay kinabuhi nga niabot sa tambalanan ang usa ka inahan human nadasmagan sa motorsiklo.
Ang aksidenti nahitabo didto sa National Highway, Barangay Tayud, lungsod sa Consolacion, Sugbo. Niadtong nakalabay na gabii, pasado alas 10:30 ang takna, Oktobre 8, 2023.
Giila ang biktima sa Consolacion Police Station nga mao si Josefina Ejem, 51 anyos ang panuigon, menyo ug residenti sa Sitio East Binabag, Barangay Tayud, sa mao ra nga lungsod.
Naila usab ang suspetsado nga driver sa motorsiklo nga mao si Peter Olivar Capangpangan, 38 anyos ang pangidaron, menyo, ug residenti sa Barangay Pusok, siyudad sa Lapu-Lapu.
Sa inbestigasyon sa kapulisan nasayran nga si Ejem anang higayuna nitabok sa karsada aron paglabay sa lamaw apan wala niya nabantayi nga dunay motorsikolo nga nagpadulong kaniya.
Si Capangpangan usab wala kabantay sa biktima og iyang na dasmagan og nahampak ang ulo sa karsada na maoy hinungdan sa kamatayon sa niini.
Sa pagakakaron padayong gitanggong ang suspetsado samtang gihuwat ang panagsabot-sabot sa duha ka habig. (Renante Socia Lada, photo credits to the owner)