Gipahigayon sa Municipal Disaster Risk Reduction and Management Council (MDRRMC) sa Salug ang ikaduhang quarter meeting niadtong Hunyo 17 sa PRRD Building aron repasuhon ug mapalig-on ang mga programa sa disaster preparedness ug response sa lungsod.
Atol sa miting, gihisgutan sa mga miyembro sa konseho ug mga partner agencies ang mga pamaagi sa mas epektibong koordinasyon, pagresponde, ug pagdumala sa mga sitwasyon nga may kalabotan sa kalamidad.
Matud pa ang padayon nga panagtigom ug pagplano maoy usa sa mga lakang aron mapalambo ang kahandam sa lokal nga panggamhanan ug masiguro ang kaluwasan sa mga residente sa panahon sa emerhensya.
Gipasiugda usab sa konseho ang importansya sa panaghiusa sa tanang ahensya ug sektor sa komunidad aron mapalig-on ang kalig-on ug kahandam sa lungsod batok sa mga posibleng kalamidad.(IKEN B. GULLEM)
Source: Municipality of Salug