Dili lang ordinaryong pag-atiman sa baboy ang gitudlo sa TESDA training sa Barangay Cocob kondili lakip usab ang paghimo og natural nga tambal aron malikayan ang sakit sa kahayopan.
Atol sa ika-17 nga adlaw sa 32 ka adlaw nga Organic Agriculture Production NC II Training, gihatagan og praktikal nga pagbansay ang mga miyembro sa Cocob ALSA MASA Farmers’ Association bahin sa organic hog raising ug paggamit sa natural nga pamaagi sa pagpanalipod sa kahimsog sa mga hayop.
Gipangunahan ni TESDA Trainer Carrine A. Antolin ang lecture ug hands-on activities nga nagtutok sa feeding management, sanitation, ug sustainable nga pagbuhi sa baboy nga walay pagsalig sa kemikal nga tambal.
Gisuportahan usab sa R-PSB Team sa Zamboanga del Norte 2nd Provincial Mobile Force Company ubos sa pagpanguna ni PLTCOL Edwin D. Verzon ang maong kalihokan isip kabahin sa pagpalig-on sa lig-on ug environment-friendly nga panginabuhian sa mga mag-uuma sa barangay.(IKEN B.GULLEM)
Source: PNP Zamboanga del Norte 2nd PMFC