DIPOLOG CITY– Nagpagula si Darel Dexter T. Uy og Executive Order No. 39 nga nagmando sa mandatoryong paggamit sa decibel meter sa pagdakop sa mga sakyanang adunay improvised o modified muffler sa probinsya.
Gibutyag sa gobernador nga dili na mahimong dakpon o kumpiskahon ang muffler base lamang sa hitsura niini o sa personal nga paghusga sa kasaba sa mga enforcer.
Sumala sa order, kinahanglan una masukod gamit ang calibrated Sound Level Meter ang kasaba sa sakyanan sa dili pa mag-isyu og citation alang sa noise-related violations.
Gitakda usab nga 99 decibels lamang ang pinakataas nga gitugot nga noise level sa mga motor vehicle ubos sa national standards ug local ordinances.
Gimando usab ni Gov. Uy ang procurement sa mga decibel meter alang sa provincial task forces, traffic bureaus, ug police stations aron masiguro ang husto ug patas nga implementasyon sa balaod.(JENIFFER JR. DELICA)
Source: Zamboanga del Norte Provincial News Network