Nagpalig-on sa panag-uban alang sa kalinaw ug seguridad ang Local Government Unit sa Katipunan ug ang Alpha Company sa 97th Infantry Battalion, Philippine Army pinaagi sa usa ka courtesy call nga gihimo sa Municipal Mayor’s Office niadtong Mayo 19.
Gidawat ni Mayor Maiko Wong ang mga opisyal sa Philippine Army isip kabahin sa pagpalambo sa koordinasyon tali sa militar ug lokal nga gobyerno sa pagpatuman sa mga programa alang sa public safety ug community development.
Ang delegasyon sa Philippine Army gipangulohan ni 1LT Romulo B. Dawilan, Commanding Officer, kauban sila ni 2LT Winifredo D. Dedal Jr., 2LT Yaakovic B. Las-ang ug 2LT Mark Jaylord B. Javier.
Sumala sa LGU, importante ang maong panagtinabangay aron mapadayon ang malinawon ug luwas nga komunidad sa Katipunan.
Nagpasalamat usab ang municipal government sa padayon nga suporta ug dedikasyon sa Philippine Army sa pagserbisyo ug pagpanalipod sa katawhan.(IKEN B. GULLEM)
Source: Bag-ong Katipunan