Giaprubahan sa Sangguniang Panlungsod sa Dipolog ang Ordinance No. 26-377 nga nagpatuman sa Drug-Free Workplace Policy sulod sa City Government of Dipolog City aron mapalig-on ang kampanya batok sa ilegal nga droga ug masiguro ang limpyo ug episyenteng serbisyo publiko.
Gipasar ang maong ordinansa atol sa third ug final reading sa regular session niadtong Mayo 12, 2026 ubos sa pagpangamahan ni Raul C. Barbaso ug giuyonan sa tanang miyembro sa konseho antes kini giaprobahan ni Roberto Y. Uy niadtong Mayo 20.
Sakop sa polisiya ang tanang elective ug appointive officials, lakip ang City Mayor, Vice Mayor, konsehal, heads of offices, rank-and-file employees, job order workers ug personnel sa Local School Board aron maseguro nga magpabiling drug-free ang mga kawani sa lokal nga kagamhanan.
Lakip usab sa ordinansa ang pagpatuman sa anti-drug programs, preventive education ug awareness campaigns, uban sa paglaan og pondo alang sa epektibong implementasyon niini isip kabahin sa paningkamot sa siyudad nga mapreserbar ang integridad, kahimsog ug kaayuhan sa mga empleyado ug sa komunidad.(JENIFFER JR. DELICA)
Source: Dipolog City Government