Mipahtuman og mangrove tree planting ang probinsya sa Barangay Kanim, Lungsod sa Sibutad niadtong Disyembre 12, 2025, isip kabahin sa paningkamot sa pag-atubang sa epekto sa climate change ug pagpalig-on sa coastal protection sa Zamboanga del Norte.
Gipangulohan ang kalihokan sa Provincial Environment and Management Office ubos sa pagdumala ni OIC-PEMO Engineer Alfonso Gorre Jr., kauban ang Provincial Disaster Risk Reduction and Management Office, Municipal Disaster Risk Reduction and Management Office, Municipal Environment and Natural Resources Office, Bureau of Fire Protection, ug mga volunteers gikan sa asosasyon sa kababayen-an sa barangay, diin 1,000 ka mangrove propagules ang ilang gitisok.
Mirepresentar kang Gobernador Darel Uy si Board Member Jimboy Chan nga mi-awhag sa komunidad sa pagpanalipod sa kinaiyahan alang sa umaabot nga henerasyon, samtang gilauman sa probinsya nga ang maong inisyatiba makatabang sa pagkunhod sa peligro sa climate change ug mopalig-on sa kahandam sa mga komunidad sa baybayon.(JENIFFER JR. DELICA)
Source: Zamboanga del Norte Provincial News Network