Sa hiniusang paningkamot sa nagkadaiyang ahensya ug organisasyon, malampusong napahigayon ang coastal clean-up activity sa Barangay Dos, Katipunan aron mapalig-on ang panalipod sa kalikupan ug kadagatan.
Miadto ug nakiuban sa kalihokan ang mga personahe sa Philippine National Police ubos sa pagpanguna ni PCPT Jonathan T. Lagang, Bureau of Fire Protection Katipunan, LGU-Katipunan, Tau Gamma Phi-Katipunan Municipal Council, mga opisyal sa barangay, ug uban pang pribadong organisasyon. Ang maong aktibidad gipasiugdahan sa Community Environment and Natural Resources Office Manukan ubos sa tema nga “Sustaining Ocean Health, Sailing Resilient Nation.”
Gipunting sa kalihokan ang pagpataas sa environmental awareness, pagdasig sa aktibong partisipasyon sa komunidad, ug hustong pagdumala sa basura aron mapanalipdan ang baybayon ug marine resources.
Gilauman sa mga partisipante nga pinaagi sa padayon nga kooperasyon sa komunidad ug mga ahensya, mas mapalig-on pa ang kampanya alang sa limpyo, luwas, ug malungtarong kalikupan.(IKEN B. GULLEM)
Source: Katipunan Municipal Police Station