Malampusong gitapos karong adlawa ang tulo ka adlaw nga Rights-Based Planning, Ordinance Development, and Child Protection Training nga gitambongan sa mga batan-ong lider gikan sa Sangguniang Kabataan, Local Youth Development Council, ug Division Federation Supreme Secondary Learner Government sa Dakbayan sa Dipolog.
Sulod sa tulo ka adlaw, gipalawom sa mga partisipante ang ilang kahibalo kabahin sa katungod sa kabataan, youth participation, ug child protection pinaagi sa rights-based approach. Gihisgutan usab ang mga isyu sama sa online sexual abuse and exploitation, cyber-enabled abuse, ug uban pang matang sa kapintasan nga nakaapekto sa mga kabataan ug kabatan-onan.
Gipaabot nga magamit sa mga kabatan-onan ang ilang nakat-unan sa paghimo og mga polisiya ug ordinansa nga makapalig-on sa child protection mechanisms ug makahimo og mas luwas nga komunidad alang sa kabataan.
Ang maong training gipahigayon sa Center for the Prevention and Treatment of Child Sexual Abuse uban sa National Youth Commission, Dipolog City Local Youth Development Council, SK Federation, Department of Education Schools Division of Dipolog City, ug Department of the Interior and Local Government.(IKEN B. GULLEM)
Source: DepEd Dipolog Youth Learner Formation Unit