Midawat og cash relief assistance ang 500 ka mga benepisyaryo sa Gutalac pinaagi sa payout activity nga malampusong gipahigayon sa Local Government Unit sa Gutalac ubos sa liderato ni Mayor Eddie Justin Quimbo.
Gitumong sa maong programa ang paghatag og pinansyal nga tabang sa mga pamilyang nanginahanglan aron mapagaan ang ilang adlaw-adlaw nga pagpanginabuhi ug masuportahan ang ilang batakang panginahanglan.
Gipasiugda sa LGU Gutalac nga ang kalihokan nagpakita sa padayong paningkamot sa administrasyon sa paghatag og “Gugma, Respeto ug Serbisyo” ngadto sa katawhan uban sa suporta ni Vice Mayor Aljohn Garzon, mga miyembro sa Sangguniang Bayan, Governor Darel Dexter Uy, ug Congressman Ian Amatong.
Gipahayag usab ni Mayor Quimbo nga magpadayon ang lokal nga panggamhanan sa pagpangita og dugang partnerships ug suporta gikan sa National Government aron mas madala pa ang daghang proyekto ug programa nga makatabang sa pagpalambo sa kinabuhi sa mga Gutalacnon.(JENIFFER JR. DELICA)
Source: LGU Gutalac- Public Information