Unom ka local government units (LGUs) sa Zamboanga del Norte ang nakab-ot ang Highly Performing Peace and Order Council (POC) nga rating base sa inisyal nga resulta sa 2026 C/MPOC Functionality Audit nga gipresentar sa Department of the Interior and Local Government (DILG) atol sa Joint 2nd Quarter Meeting sa PDRRMC ug PPOC niadtong Hunyo 29.
Nanguna ang Gutalac, gisundan sa Leon Postigo, Sindangan, Manukan, Dipolog City ug Rizal isip mga Highly Performing POC.
Samtang, ang Siayan, Labason, Pres. Manuel A. Roxas, Polanco, Jose Dalman, Kalawit, Piñan, Mutia, Dapitan City, Tampilisan, Liloy ug Godod ang nakakuha og Moderately Performing nga rating.
Ang mga lungsod sa La Libertad, Sibuco, Katipunan, Sirawai, Salug, Siocon, Sibutad, Baliguian ug Sergio Osmeña naman ang nalista isip Low Performing POC.
Girekomenda sa DILG ang pagpatuman og performance enhancement program alang sa moderate ug low-performing LGUs, regular nga coaching ug mentoring, ug paghatag og pag-ila sa mga highly performing POC aron mapalig-on pa ang peace and order councils sa probinsya.
Atol usab sa miting, giaprobahan ang Project LOOPBACK, usa ka post-activity reporting ug accountability mechanism, ug ang resolusyon nga nagduso sa dugang pondo alang sa mga programa sa Provincial Peace and Order Council (PPOC).(IKEN B. GULLEM)
Source: Zamboanga del Norte Provincial News Network