Gibalikan ug gitun-an pag-usab ang kasaysayan sa kaisog ug pagkamabinuligon sa mga Sindanganon atol sa Ikaduhang Gubat sa Kalibutan pinaagi sa pag-abot sa delegasyon sa Hellships Memorial Foundation alang sa usa ka research mission sa lungsod.
Naglangkob ang delegasyon sa mga historyador, tigdukiduki, ug mga tigpanalipod sa kasaysayan gikan sa Estados Unidos ug Australia nga nagtutok sa pagdokumento sa mga istorya sa mga lokal nga bayani nga mitabang sa mga Amerikanong prisoners of war (POWs) nga naluwas gikan sa trahedya.
Kabahin sa ilang pagbisita ang pagpahigayon og mga interbyu ug panukiduki sa mga kaliwatan sa mga Sindanganon nga mihatag og tabang ug proteksyon sa mga naluwas nga POWs.(IKEN B. GULLEM)
Source: Municipality of Sindangan