Nakaangkon og mas maayong kahimtang ang Rizal–Dakak–Dapitan Coastal Loop Road human malampusong mahuman sa Department of Public Works and Highways (DPWH) Zamboanga del Norte 1st District Engineering Office ang duha ka preventive maintenance projects sa maong ruta.
Tumong sa mga proyekto nga mapadayon ang kalig-on ug serbisyo sa dalan aron masiguro ang luwas ug episyenteng pagbiyahe sa mga motorista ug pasahero. Pinaagi niini, mas napasayon ang pag-abot sa mga baybaying komunidad, mga pasilidad sa turismo, ug mga sentro sa komersyo nga mahinungdanon sa panginabuhian sa mga lumulupyo.
Gilauman usab nga ang maong mga kalamboan makatampo sa dugang nga kalihokan sa ekonomiya ug turismo sa lugar, samtang nagpadayon ang DPWH sa pagpalambo sa imprastraktura aron mapalig-on ang konektibidad ug pag-uswag sa tibuok Zamboanga del Norte.(IKEN B. GULLEM)
Source: DPWH REGION IX ZAMBOANGA PENINSULA