DIPOLOG CITY — Pormal nang giablihan ang HeARTlab 4 Community Art Exhibition sa Museo Dipolog, nga nagtigom sa mga lokal nga artists, cultural advocates, ug miyembro sa komunidad sa usa ka selebrasyon sa malikhaing ekspresyon.
Ang eksibisyon nagtumong sa paghatag og mas dako nga visibility sa mga lokal nga manlilikha pinaagi sa pag-ila sa ilang talento ug paghatag og plataporma aron maipakita ang ilang mga obra. Gilauman usab nga magbukas kini og dugang nga oportunidad alang sa kolaborasyon ug cultural exchange tali sa mga artists ug stakeholders.
Pinaagi sa mga programa sama sa HeARTlab, padayon nga ginapalig-on sa Museo Dipolog ang suporta sa creative sector pinaagi sa paghatag og espasyo alang sa pagtubo, pagpaambit sa ideya, ug pagdasig sa komunidad pinaagi sa paglikha og mga obra. (JENIFFER JR. DELICA)
Source: PIA Zamboanga del Norte