Malampuson nga gihimo sa 1st Zamboanga del Norte Provincial Mobile Force Company ubos sa liderato ni Force Commander PLTCOL Ryan Jay R. Capurcos, ang usa ka lecture ug hands-on orientation bahin sa husto nga paggamit ug basic handling sa rifle para sa mga Criminology interns sa Saint Vincent College, nga gipahigayon sa Purok Daisy, Sicayab, Dipolog City.
Gipunting sa maong kalihokan ang firearms safety, husto nga stance, disiplina, ug responsableng pagdumala sa armas, nga mga pundasyon sa umaabot nga mga propesyonal sa law enforcement.
Sumala ni PLTCOL Capurcos, pinaagi sa husto nga training ug giya, gipatungod ang disiplina, ug responsibilidad, nga maoy hiyas nga kinahanglan nga baruganan sa matag umaabot nga magbantay sa kalinaw ug kahusay.
Ang maong aktibidad usa ka dakong lakang sa pag-andam sa kabatan-onan alang sa responsableng serbisyo sa komunidad ug pagpangandam sa ilang kaugmaon sa larangan sa criminology ug public safety.(IKEN B. GULLEM)
Source: Zamboanga del Norte 1st Provincial Mobile Force Company