Sa usa ka lakang padulong sa lig-on nga panaghiusa ug paglambo sa komunidad, opisyal nga gihatagan og rehistrasyon kaniadtong Enero 11, 2026 ang usa ka workers’ association sa Barangay Cocob, Gutalac, Zamboanga del Norte, isip tinabangay ug bag-ong mga oportunidad alang sa mga mag-uuma ug kababayen-an.
Ang turnover sa sertipiko gipangunahan ni Pat Ahmad-Khan Macam, R-PSB Focal Person, kauban ang RCSP Team sa Zamboanga del Norte 2nd Provincial Mobile Force Company ubos sa liderato ni PLTCOL Edwin D. Verzon, Force Commander, uban ang suporta ni Hon. Sannyboy Gato, Barangay Captain sa Brgy. Cocob.
Opisyal nga gidawat ang sertipiko ni Mr. Jimmy Manlusa, Presidente sa Cocob Farmers Association, ug ni Ms. Gretchen A. Timol, Presidente sa Women’s Association, kauban ang ilang mga miyembro.
Pinaagi sa maong rehistrasyon, ang asosasyon legal nang giila isip workers’ association sa nasud nga nagtumong sa pagtinabangay, pagpanalipod sa katungod sa mga miyembro, ug pagpausbaw sa ilang sosyal ug ekonomikanhong kahimtangan.
Ang kalihokan nagpakita sa lig-on nga kooperasyon tali sa kapulisan, lokal nga panguluhan, ug komunidad alang sa kalinaw ug malungtarong kalamboan.(IKEN B. GULLEM)
Source: Zamboanga del Norte 2nd PMFC