Nagpailalom sa refresher training ang mga personnel sa Dapitan City Fire Station isip pagpangandam sa umaabot nga unang evaluation sa Testing of Agility, Unity, Grit, and Readiness in Operation o T.A.G.U.R.O. Challenge niadtong Hulyo 2.
Gipangulohan ni FSINSP Rommel M. Rojas, REE, Acting City Fire Marshal, ang maong pagbansay nga nagtumong sa pagpalig-on sa pisikal nga kahimtang, disiplina ug koordinasyon sa mga bombero.
Kabahin sa pagbansay ang paghasa sa ilang kahimtang sa pagresponde, pagtinabangay isip usa ka grupo ug pagpalambo sa ilang kahandam sa pag-atubang sa nagkalainlaing emerhensiya.
Sumala sa Dapitan City Fire Station, ang padayon nga pagbansay importante aron mapabiling andam ug episyente ang mga bombero sa pagpanalipod sa kinabuhi ug kabtangan sa katawhan.(JENIFFER JR. DELICA)
Source: BFP R9 Dapitan City Fire Station