SINDANGAN, Zamboanga del Norte – Nadawat sa Sindangan District Jail ang donasyon nga Smart TV gikan sa Armed Forces and Police Savings and Loan Association, Inc. (AFPSLAI) – Pagadian Branch niadtong Hunyo 18, 2026 isip kabahin sa pagpalig-on sa panag-partner tali sa duha ka institusyon.
Ang maong donasyon gidawat ubos sa pagpanguna ni JCINSP Arvin Dan R. Aguito, Jail Warden, samtang gipangunahan ni Ma’am Joan Grace J. Abiol, Branch Head sa AFPSLAI-Pagadian Branch, ang turnover sa kagamitan.
Sumala sa jail management, ang Smart TV magamit isip dugang nga himan aron mapauswag ang administratibo ug operasyonal nga buluhaton sa pasilidad, lakip na ang mga programa alang sa kaayohan ug rehabilitasyon sa Persons Deprived of Liberty (PDLs).
Gawas sa turnover ceremony, nagpahigayon usab ang AFPSLAI og presentasyon sa ilang mga produkto ug serbisyo ngadto sa mga personnel sa bilangguan aron mas mapalig-on pa ang panagtinabangay ug suporta sa matag usa.
Nagpasalamat ang Sindangan District Jail sa AFPSLAI sa ilang padayon nga suporta ug kontribusyon sa mga programa nga nagtumong sa rehabilitasyon ug reintegrasyon sa mga PDLs.(JENIFFER JR. DELICA)
Source: Sindangan District Jail- BJMPR9