Gipadayag ni Governor Darel Dexter T. Uy ang iyang tinguha nga matabangan ang mga mag-uuma ug mananagat sa Zamboanga del Norte nga makabaton ug kaugalingong balay pinaagi sa programa sa Department of Human Settlements and Urban Development.
Sa iyang panagtagbo karong adlawa uban ni kanhi DHSUD Regional Director Roland Eta ug Rodney Badoles, gipresentar ang Pambansang Pabahay program nga nag-awhag sa suporta sa mga lokal nga mayor ug pribadong sektor isip mamumuhunan sa proyekto.
Gilauman sa gobernador nga pinaagi sa maong programa, masiguro ang mas lig-on nga panginabuhian ug mas maayong puy-anan alang sa mga mag-uuma ug mananagat sa lalawigan. (Jeniffer Jr. Delica)
Source: Zamboanga del Norte Provincial News Network