83 ka residente gikan sa 21 ka barangay sa Dakbayan sa Dipolog ang nakadawat ug pinansyal nga tabang ubos sa programang Assistance to Individuals in Crisis Situations (AICS) nga gipahigayon didto sa 4th Floor City Hall Lobby, Dipolog City kaniadtong Oktubre 14, 2025.
Ang programa gipangulohan mismo ni City Mayor Roberto Y. Uy, nga matud pa kini usa ka inisyatibo sa lokal nga paggamhanan aron matabangan ang mga residente nga nag atubang ug kalisod, emerhensiya, tabang medikal, o pinansyal nga aspeto.
Suma total, 62 ka indibidwal ang nakadawat medical assistance, samtang 19 ang nakadawat ug burial assistance, ug 2 ang gihatagan para financial aid alang sa uban pang panginahanglan.
Kini nagpamatuod sa malungtarong pagpaningkamot sa City Government sa paghatag og tinuoray nga serbisyo publiko, diin walay residente ang mabiyaan ilabi na sa panahon sa krisis.(Iken B. Gullem)
Source: Dipolog City Government