Malampusong gipahigayon sa LGU Gutalac ubos sa pagpanguna ni Municipal Mayor Eddie Justin Quimbo ang 2nd Quarter Meeting kauban ang MADAC, MPOC, MDRRMC, ug MIAC aron hisgutan ang updates, koordinasyon, ug pagpalig-on sa mga programa alang sa mas epektibong serbisyo publiko sa mga Gutalacnon.
Gipasalamatan usab ni Mayor Quimbo ang tanang department heads, partner agencies, barangay officials, ug stakeholders nga padayon nga nagasuporta ug nagpakita og kooperasyon sa mga programa sa lokal nga panggamhanan.
Gipasiugda sa maong tigum ang panaghiusa ug aktibong partisipasyon aron mas mapalig-on pa ang peace and order, disaster preparedness, anti-drug campaign, ug uban pang mga inisyatiba nga makatabang sa kalamboan sa lungsod.
Sumala sa LGU Gutalac, pinaagi sa maayong pagpangulo ug tinuoray nga serbisyo publiko, posible nga makab-ot ang mas lig-on, malinawon, ug progresibong kaugmaon alang sa matag Gutalacnon.(JENIFFER JR. DELICA)
Source: LGU Gutalac- Public Information