Gipahigayon ang KICK-OFF CEREMONY sa ika-30 ka tuig nga kasumaran sa Police Pommunity Relation month, nga ang nasangpit nga programa, gipangunahan ni Zamboanga Del Norte Police Provincial Office kon (ZNPPO) Pcol. Jimmy Laguyo, didto sa Camp Lt. Deogracias G. Hamac, sa Barangay Sicayab, ning Dakbayan sa Dipolog, kagahapong adlawa Hulyo 01,2025 sa may alas 2:00 sa hapon.
Ang naasoy nga aktibidad, gitambungan usab isip Guest of Honor and Speaker Engr. Alan Torres Bacatan, CESE nga maoy Assistant Regonal Director sa TESDA Region IX, diin giila niini nga dako kaayo ang mahimo ngadto sa Publiko ang Collaboration sa PNP Personel’s ug TESDA, alang sa kaayohan sa mga katawhan, ilabina niadtong atua sa mga halayo sa sentro nga mga lugar.
Sa dugang pang pahayag nga giluwatan ni TESDA Region-IX Assistant Regional Director Bacatan, nga bisan ang mga PNP Personel’s mamahimong Trainor kon sila mouyon niini. Sa iyang pagpangutana kanila, sa walay paglangan miuyon usab ang mga kapulisan sa gustong mahitabo ni Bacatan.
Ang maong aktibidad gitambungan sa mga Media Personel’s sa nagkadaiyang mga Estasyon sa Radyo ning maong probinsiya nga parehong miyembro sa ZNPPO PRESCORPS.(Julius Esmade)