Gikuha na sa mga kawani sa Dapitan City Police Station ang harang sa dalan partikularmente sa Terminal ug Public Market sa Dakbayan sa Dapitan huwebes June 5, 2025.
Ang pagkuha gipanguluhan ni PLTCOL Philmore Dumagat, hepe sa Dapitan CPS, diin matud pa iyang gisulayan paghangyo ang maong tag-iya sa luna nga si Mr. Joven Zamora, nga kuhaon sa ang harang sa entrada sa maong dalan paingon ngadto sa dalan ug terminal sa maong dakbayan, hinungdan sa pagka atrasado sa mga motorista.
Kahinumduman nga ang maong dalan dili kini dalan pampubliko,gipanag- iyahan kini sa usa ka negosyante nga si Mr.Joven Zamoras diin taudtaud na kining gipagamit sa mga katawhan diin gitugutan ang hangyo sa kanhi administrasyon.
Ang maong hitabo gahatag kini ug dakung kabalaka sa mga motorista ingon man sa mga lumolupyo, mga pasahero, bao-bao, ug sa mga publikong bus driver ilabina sa EverGood nga nagbyahian kanunay.
Kahibaloan ang maong hitabo wala gilayun magdugay tungod sa paningkamot sa hepe nga si PltCol. Dumagat nga gihangyo si Mr.Joven nga temporaryo usang ablihan ang maong dalan para sa kaayuhan sa mga katawhan. Pinaagi sa maong hangyo sa hepe nahimong malinawun ug hapsay na nga makasulod pagbalik ang mga sakyanan.
Mapasalamaton ug dako si hepe uban sa mga personahe sa Dapitan CPS ngadto kang Mr. Joven Zamora sa kahigayunan nga maablihan pag- usab ang maong dalan.
Ang gihimo sa mga kapolisan tumong nila niini nga maka respondi gilayon sila sa dakbayan sa Dapitan nga tuyo nila ang pagpatuman sa kanunay sa kahapsay ug kalinaw nga kumunidad.(Angelica T. Obina)
Source: CTTO