Isip pagsaulog sa World Environment Day,ang buhatan sa Department of Environment and Natural Resources (DENR), nanguna sa pagkulikta sa mga basura alang sa Regionwide Trade Plogging, nga gipahigayon niadtong Hunyo 5,2025.
Ang maong kalihokan gisalmotan sa 1,006 ka mga partisipante gikan sa pinili nga mga dapit, tabok sa Zamboanga Peninsula diin ang mga na kolektang basura nga plastic mikabat sa 1,997 ka kilo.
Katuyoan niining kalihokan nga gipangunahan sa mga personahe sa DENR regional office, line Bureaus, PENROs, ug CENROs mao ang pagdasig sa katawhan sa pag-apil sa clean-up ug nature trekking nga usa ka panawagan sa pagpakunhod sa paggamit sa plastik ug pagpalig-on sa solid waste management practices nga nagsunod sa World Environment Day, subay sa tema nga “Ending Global Plastic Pollution.”
Gipahigayon kini sa 10 ka pinili nga mga dapit, adunay nga kinatibuk-ang gilay-on nga 26.18 kilometros sa mga lugar nga gilangkoban sa Barangay Pasonanca, Zamboanga City; Barangay Miputak, nga nahimutang sa Dipolog,Barangay Salisig sa Roxas,Barangay Manaol sa Siocon, ug Barangay Talisay sa Dapitan, nga tanan sa Zamboanga del Norte.
Sa Zamboanga del Sur nagkatapok usab ang mga partisipante sa Barangay San Jose ug Bulatok sa Pagadian City, Barangay Publacion sa Guipos Publacion ug Barangay Paradise sa Ramon Magsaysay ug Poblacion sa Molave.
Samtang sa Zamboanga Sibugay, gihimo usab ang pagpanglimpyo sa Barangay Butong sa Diplahan ug Barangay Culasian sa Titay.
Ang mga nasangpit nga mga partisipante nagdala og mga sako isip pagpaambit sa ilang tumong sa pagpangulikta sa mga plastic nga basura, mga solid waste nga gitugyan ngadto sa tagsa-tagsa ka local government units alang sa tukmang disposal gikan sa kadalanan, mga dapit sa kabukiran, kasyudaran, ug kabaybayonan. (Medalyn U. Borja)
Source: DENR Zambonga Peninsula