Usa ka lalaki ang namatay human mabanggaan sa nagpadagan nga motorsiklo samtang siya mitabok sa national highway sa Barangay Magay, Compostela, Cebu kaganihang alas 5:10 sa buntag, Hunyo 6, 2025.
Giila ang biktima nga si Alejandro Camporedondo Amoto, 48 anyos, minyo, ug residente sa St. Mary Subdivision, Nangka, Marikina City.
Base sa inisyal nga imbestigasyon sa Compostela Municipal Police Station, si Amoto mitabok sa maong karsada nga wala kabantay sa motorsiklo nga nagpadulong sa amihanan.
Ang drayber sa motorsiklo giila nga si Thomas Machiavelli Lawas, 28 anyos, ulitawo, ug residente sa Poblacion, Danao City.
Tungod sa kakusog sa impact, nalambos si Amoto ug nakaangkon og grabeng kadaot sa lawas. Dali kining girespondehan ug gikarga sa Compostela ambulance paingon sa Cebu Provincial Hospital sa Danao City, apan gideklarar kini nga dead on arrival ni Dr. Josephus D. Balbona pasado alas 5:43 sa buntag.
via Renante Socia Lada