Gipahigayon sa Rizal Rural Health Unit ang duha ka adlaw nga Peer Educators Training of Trainers niadtong Hulyo 21 hangtod 22 sa Rizal Budgetel sa North Mapang, Rizal, Zamboanga del Norte.
Gitambongan sa mga partisipante ang pagbansay aron mapalambo ang ilang kahibalo, kahanas, ug pamaagi sa paghatag og impormasyon isip mga peer educator ug tigpalambo sa panglawas, kahimsog, ug responsableng pagdesisyon ilabina sa mga kabatan-onan.
Tumong sa maong pagbansay ang pag-andam sa mga partisipante nga mahimong epektibong lider sa pagpakaylap sa kahibalo sa ilang mga komunidad ug makatampo sa pagpalig-on sa mga programa sa panglawas.
Sumala sa Municipal Government of Rizal, kabahin kini sa padayon nga paningkamot sa lokal nga panggamhanan ubos sa liderato ni Mayor Marissa Manigsaca aron mapalig-on ang health education, mapalambo ang papel sa kabatan-onan, ug matukod ang mas himsog ug mas maalamong komunidad.(JENIFFER JR. DELICA)
Source: Municipality of Rizal