Na-aresto ang usa ka 52 anyos nga driver atol sa gipatoman nga Minor Internal Security Operation sa mga personahe sa kapulisan didto sa Barangay Poblacion, Tampilisan, Zamboanga del Norte, mga alas 3:50 ang takna sa hapon niadtong Abril 13,2026.
Naila ang dinakpan nga usa ka 52 anyos, lalaki, minyo, usa ka drayber, ug residente sa Purok Gabi, Brgy. Del Pilar, Piñan, Zamboanga del Norte kinsa gidakop pinaagi sa mga personahe sa Tracker Team sa Zamboanga del Norte 2nd Provincial Mobile Force Company (PMFC), uban sa mga personahe sa 97th Infantry Battalion, Philippine Army ug Tampilisan Municipal Police Station (MPS) pagpatuman sa Minor Internal Security Operation (ISO)
Ang pagdakop sa suspek gihimo pinaagi sa Warrant of Arrest alang sa krimen nga pagpanglugos ubos sa Criminal Case No. S-2750, nga gi-isyu ni Hon. Wilfredo G. Ochotorena, Presiding Judge, Regional Trial Court, Ninth Judicial Region, Branch 11, Sindangan, Zamboanga del Norte, nga gipetsahan Hulyo 29, 1996, nga walay girekomendar nga piyansa.
Ang dinakpan gipahibalo sa iyang mga katungod sa konstitusyon ug sa probisyon sa Anti-Torture Act sa pinulongan nga iyang nasabtan ug gidala dayon sa Tampilisan Rural Health Unit alang sa medikal nga eksaminasyon ug karon temporaryong gibilanggo sa Tampilisan MPS samtang naghulat sa hustong disposisyon.(MEDALYN U. BORJA)
Source: ZNPPO