Naka benepisyo ang gatosan ka mga Dapitanon, sa gipahigayon nga Programang “Handog ng Pangulo” diin kini didto gipahigayon sa Ground Floor sa Dapitan City Government Center, kagahapong adlawa,Setyembre 13, 2025.
Nasayran nga ang nasangpit nga Programa, subay sa pagsaulog sa ika-68 ka tuig nga adlaw’ng natawhan sa atong Pangulo ning atong Nasud, diin mipahigayon og nagkadaiyang mga Programa ang pipila ka mga dakbayan ning atong Nasud nga Pilipinas.
Dugang pa niini, nga mikabat ngadto sa 375 ka mga indibidwal ang napahigayonan og Feeding Program, samtang mikabat usab ngadto sa 313 ka mga Daycare Pupil’s, ang nakadawat og nga Educational Supplies, maingon man, aduna usay 80 ka Pamilya sa Barangay Dawo, ug 295 usab ka Pamilya sa Barangay Polo, ang nakadawat og Food Pack’s, nga matud pa, ang maong mga Food Pack’s, gikan mismo kang Presidente Ferdinand Bong-Bong Marcos Jr. (PBBM).
Dugang pa niini, ang naasoy nga aktibidad, matud pa, nagmalampuson tungod sa lig-on pagtinabangay, sa nanguna isip Gobernador ning Probinsiya sa Zamboanga Del Norte, ug sa Kongresista sa Distrito Uno, maingon man ang Mayor sa Dakbayan sa Dapitan.(Julius Esmade)
Source:CITY GOVERNMENT OF DAPITAN