Pormal nga mi-aksiptar si Mayor Evelyn T. Uy, nga ang Dakbayan sa Dapitan nga iyang gipangunahan, mao ang mo Host sa ipahigayon nga “Inter-Government Agency Sportsfest 2026”.
Nasayran nga ang nag-host sa bag-ohay palang na tapos nga Inter-Government Agency Sportsfest 2025, mao ang Probinsiya sa Zamboanga Del Norte, ug ang Dakbayan sa Dipolog, diin ang Dapitan City, ang nag-champion sa Lawn Tennis, alang sa Men’s Category, ug lakip na niini ang lain pang 12 ka mga nagkadaiyang mga Award’s, ang nakab-ot sa nasangpit nga mga Government Employees, nga misalmot sa naasoy nga Sportsfest.
Matud pa sa pahayag nga giluwatan ni Mayor Uy, nga ang Dakbayan sa Dapitan, andam nga manguna sa ipahigayon nga Sportsfest sa mo sunod nga tuig, diin dugang pa sa iyang pahayag, nga ang maong kalihokan, mahimong kasinatian sa pagpadayag sa Panaghiusa, Panaghigalaay ug ang buhat nga pagsanong sa mga Tulubagon sa Pagpanguna.(Julius Esmade)
Source: CITY GOVERNMENT OF DAPITAN