Libre nga matan-aw sa publiko ang pelikulang “SILKSCREEN” karong Mayo 18, 2026 alas 2:00 sa hapon didto sa 2nd Floor Social Hall isip kabahin sa usa ka espesyal nga film screening ug talkback session nga gipasiugdahan sa Dakbayan sa Dipolog.
Ang “SILKSCREEN” usa ka makapatandog nga pelikula nga gisulat ug gidirek ni Rey Anthony Villaverde uban sa Creative Producer nga si Zig Dulay. Gisaysay niini ang kinabuhi sa usa ka naglisod nga shirt printer nga nakigbalik sa iyang tigulang nga amahan samtang ilang giatubang ang pagbag-o sa panahon, ilang trabaho, ug relasyon isip pamilya.
Human sa screening, adunay exclusive talkback session diin personal nga makig-istorya ang filmmakers sa mga manan-aw aron hisgutan ang mas lawom nga kahulugan sa pelikula, proseso sa paghimo niini, ug ang kahimtang sa nagakahanaw nga industriya sa silkscreen printing.
Libre ug bukas sa publiko ang maong kalihokan nga nagtumong sa pagpalambo sa lokal nga arts, pelikula, ug cultural appreciation sa komunidad.(JENIFFER JR. DELICA)
Source: Dipolog City Government