Nagpatuman ang Liloy District Jail og Quarterly Drug Testing, Symposium, ug Greyhound Activity isip kabahin sa padayong kampanya batok ilegal nga droga ug pagmintinar sa usa ka luwas ug drug-free nga pasilidad.
Ang maong kalihokan gipangunahan sa Liloy District Jail ubos sa liderato ni JCINSP Joseph Rey M. Lendio uban sa partisipasyon sa jail personnel ug Persons Deprived of Liberty (PDLs).
Gipahigayon ang drug testing ni Ms. Nova Timusan, RMT, Medical Technologist gikan sa Liloy Rural Health Unit, samtang gibantayan usab kini sa Philippine Drug Enforcement Agency (PDEA) aron masiguro ang tukmang implementasyon sa proseso.
Lakip usab sa kalihokan ang symposium ug greyhound operation nga nagtumong sa pagpalig-on sa disiplina, kahibalo, ug integridad sulod sa jail facility samtang gipakusog ang kampanya batok sa pagpamaligya ug paggamit sa ilegal nga droga.
Pinaagi niini, gipakita sa Liloy District Jail ang ilang seryosong commitment sa pagpanalipod sa seguridad sulod sa pasilidad ug sa paghimo og mas limpyo ug responsableng komunidad alang sa personnel ug mga PDLs.(JENIFFER JR. DELICA)
Source: Liloy District Jail- BJMPR9