Gipahigayon ang “Violence Against Women” o (VAW) Forum may kalabot sa 18-Day Campaign to End Violence Against Women alang sa mga empleyado ning siyudad, Disyembre 12 ning tuiga nga gipasiugdahan sa kagamhanang lokal pinaagi sa DILG ug Gender and Development Focal Person Mr. Ernie B. Rojo sa Top Plaza Hotel.
Mitambong sa maong programa si City Mayor Darel Dexter T. Uy, diin gipahayag niya ang ka importante nga mahibalo ang mga katawhan sa mga balaod sa siyudad aron ma-anad ang mga tawo sa pagrespeto ug malikayan ang paglapas niini.
Sa mensahe nga gipadangat ni Dipolog City CLGOO Sherrie Charlota N. Machutes, gipasabot niya ang sexual harassment ilawom sa RA 7877, dili nalang limitado sa mga nabiktima sa opisina, edukasyon ug training institutions, buot niyang ipakaylap ang kahibalo kabahin sa bag-ong balaod ilawom sa RA 11313 o “Bawal Bastos Law” sa mga katawhan ning dakbayan diin striktong gibawal ang pagbinastos o harassment sa kadalanan, pampublikong lugar, online, opisina, educational o training institutions.
Gipasabot ni Police SSg. Lovelyn Abuso isip Women and Children Protection Officer nga dili lamang sa pampublikong lugar nahitabo ang pang-abuso basi sa ilang accomplishment report.
(Source: Dipolog City Government Facebook page)