Sa mas lalo pang pinakusog na kampanya kan Baao Munipal Police Station kontra sa mga tawong pinaghahanap kan ley, Arestado an mag live-in partner sa bisa kan warrant of arrest na ipinaluwas ni Hon. Juan Antonio Gobencio Cereno Acting Presiding Judge kan 5th Judicial Region, Municipal Trial Court kan Ragay-Del Gallego Camarines Sur.
An Track team kan Baao Municipal police Station sa pamamayo ni PMAJ. Divino John Pelea OIC, giraray nagsagibo nin Munhunt Charlie Operation para dakupon asin iatubang sa korte sa kasong Swindling (ESTAFA), mga oras 4:17 nin hapon kan Dec. 12 2022 nadakop an mag live-in sa Brgy. San Ramon Baao Cam. Sur na si AKA “ALEX” 26 anyos sarong construction worker asin si ”AIRA” 23 anyos mayong trabaho asin presente mga resedente kan Zone 4A Brgy. Salvacion Baao Cam. Sur mantang an kasong inaatubang iguang inirekomendang piyansa sa kantidad na Php. 36,000.00 kada saro para sa saindang temporaryong libertad
Sa presente an mga suspetsado nasa kostudiya na kan Baao Municipal Police Station para sa magkakanigong disposisyon. (JV Navarro Verdeflor Jr., photo credits to the owner)