General Santos City – Taas gyud ang proseso nga agihan ayha ma-aprubahan ang dugang tulo ka mga presinto sa kapulisan sa dakbayan ug kinahanglang pa kini nga i-presenta sa national headsquarters, aminado si Police Col. Jomar Alexis Yap. Tungod niini, iyang gina-awhag ang tanang Police Station nga maghimo ug duha ka mga compact nga maoy magsilbi nga mga sub-station.
Kini ipang butang sa mga lugar nga gina-konsidera nga crime prone areas ug anaa pa usab ang mga police outpost nga unang gihatag sa LGU Gensan.
Dugang pamahayag ni Police Col. Yap nga ilahang mas pakusgan ang pagpatuman sa pulis sa barangay kung asa gikan sa usa nga pulis sa matag barangay, himuon kining duha.
Saysay niya nga kayanon sa pwersa sa GSCPO ang planong pagtukod ug compact o sub-station sa mga police station sa Gensan.
Pag-angkon niya nga ang ilahang ginatutukan sa karon mao ang pondo nga gamiton alang sa pagmuntar sa sub-station, rason nga iyahang gipaninguha nga adunay mga stakeholder ang magtabang aron mahimo ayha matapos ang tuig ang maong mga sub-station nga ibutang sa mga crime prone areas
(Source: LGU Gensan | GSCPO)