Malampusong napahigayon ang pagtukod sa Community Fire Auxiliary Group (CFAG)nga gipahigayon sa mga personahe sa Taguilon Fire Sub-Station, ubos sa pagpangulo ni Acting City Fire Marshal- FSINSP ROMMEL M. ROJAS, REE, ug ubos sa direktang pagdumala ni SFO3 Mike E. Palconayo, Sub-Station Commander, sa Barangay Baylimango, Dapitan City, niadtong Hunyo 30,2026.
Tumong sa maong kalihokan nga mapalig-on ang partisipasyon sa komunidad sa paglikay sa sunog, pagpangandam, ug pagresponde sa emerhensya pinaagi sa pag-organisar sa usa ka dedikado nga grupo sa mga nabansay nga mga boluntaryo nga magsilbing kaabag sa Bureau of Fire Protection.
Usa ka lakang sa pagpasiugda sa kaluwasan sa sunog ug pagpauswag sa kapasidad sa komunidad sa pagtubag sa sunog ug uban pang mga emerhensya pinaagi sa aktibong kolaborasyon ug pakigtambayayong sa mga lokal nga stakeholders.
Padayon ang pasalig sa Bureau of Fire Protection sa pagpakita sa kalambo-an,kalig-on, mabinantayon, ug luwas sa sunog nga mga komunidad.(MEDALYN U. BORJA)
Source: BFP RIX CRS Taguilon FSS