Usa ka school visitation ang gipatuman sa mga personahe sa Sibutad Municipal Police Station sa pagpadayon sa pasalig sa campus safety ug pag promote sa luwas ,respetado ug suportadong palibot alang sa mga magtutungha sa Marapong Elementary School, niadtong Hunyo 30,2026.
Ang maong kalihokan pinangulohan ni PCPT MARVIC L MAPACPAC -OIC isip pagpalig-on sa koordinasyon sa mga opisyales sa eskwelahan.
Gikundina niini ang bag-ong insidente nga gikalambigitan sa mga studyante sa pagpamusil sa Tacloban, diin pinaagi ani nga kalihokan mapasiugda ang kamahinungdanon sa pagkamabinantayon, kooperasyon, ug panag-ambit nga responsibilidad sa pagpanalipod sa matag tunghaan.
Dugang pa,nagsilbi usab ang pagbisita nga usa ka oportunidad sa pagpalig-on sa anti-bullying awareness, pagdasig sa pagkamabination, pagtahud, ug empatiya sa mga estudyante, ug pagpahinumdom sa tanan nga magpraktis sa responsableng paggamit sa social media.
Tungod niini ang luwas ug maayo nga pagkat-on nga palibot makab-ot lamang pinaagi sa hiniusang paningkamot sa eskwelahan, mga ginikanan, mga estudyante, tigpatuman sa balaod, ug sa tibuok komunidad, samtang nag-obserbar sa mga balaod sa cybercrime ug online safety.(MEDALYN U. BORJA)
Source: PNP Sibutad Municipal Police Station