Isip pagpadayon sa pagpalig-on sa poultry livelihood program ang kawani sa Department of Agriculture – Special Area for Agricultural Development (DA-SAAD) Program Phase 2 nang hatag ug 10 ka Ready-to-Lay (RTL) chickens modules ngadto sa mga kababayen-an ug mga mag-uuma
ilawom sa Bagwakan Farmers Association sa munisipyo sa Sirawai, Zamboanga del Norte alang sa ilang panginabuhian ug 20 ka RTL modules usab ngadto sa San Roque KALIPI sa munisipyo sa Kalawit niadtong, Hulyo 3,2026.
Kini nga inisiyatiba usa ka nagpadayon nga programa sa ahensya sa DA-SAAD alang usab sa paghatag og teknikal nga suporta, mga pagbansay, ug regular nga monitoring, dili lang alang sa paghatag sa mga nasangpit nga RTL Modules apan aron masiguro usab ang malungtarong pagpatuman ug kalampusan sa proyekto sa matag munisipyo.(MEDALYN U. BORJA)
Source: DA-SAAD Zamboanga Peninsula