Gipakusgan sa Dapitan City Fire Station ang fire truck visibility ug patrol operations sa nagkadaiyang lugar sa syudad aron mapalig-on ang kahandam ug kahibalo sa publiko bahin sa fire safety.
Ubos sa pagpanguna ni FSINSP Rommel M. Rojas, Acting City Fire Marshal, padayon nga naglibot ang mga bombero sa mga karsada ug komunidad isip kabahin sa ilang kampanya sa pagpanalipod sa kinabuhi ug kabtangan sa katawhan.
Sumala sa BFP Dapitan, dili lamang ordinaryong patrol ang maong kalihokan kundili usa usab ka pagpahinumdom nga andam sa tanang higayon ang mga bombero sa pagresponde sa emerhensya bisan asa sa syudad.
Gidasig usab sa BFP ang mga residente nga magpabiling alerto ug magpraktis sa fire safety aron malikayan ang sunog ug mapadayon ang luwas nga komunidad sa Dapitan City.(JENIFFER JR. DELICA)
Source: BFP R9 Dapitan City Fire Station