Nagdonar og fire extinguisher ang Dapitan City Fire Station ngadto sa Bacong Integrated School sa Barangay Taguilon, Dapitan City, isip kabahin sa Brigada Eskwela 2026 niadtong Hunyo 5.
Ubos sa pagpangulo ni FSINSP Rommel M. Rojas, gihatud sa mga personahe sa Bureau of Fire Protection ang maong donasyon aron mapalig-on ang fire preparedness ug emergency response capability sa eskwelahan alang sa umaabot nga pagbukas sa klase.
Gawas sa donasyon, mitabang usab ang mga personnel sa pagpangandam sa mga pasilidad sa eskwelahan isip suporta sa kampanya sa Brigada Eskwela ug sa pagpasiugda sa kaluwasan sa mga estudyante ug magtutudlo.(IKEN B. GULLEM)
Source: BFP R9 Dapitan Fire Station