Sulod sa lima ka adlaw nga kasaulogan sa ika-74 nga Founding Anniversary sa Zamboanga del Norte, naghiusa ang mga Zanortehanon sa Halad Pasalamat 2026 alang sa pag-ampo, panaghiusa, ug pagpasalamat.
Gisugdan ang kalihokan niadtong Hunyo 5 pinaagi sa foot parade nga gipangulohan ni Gobernador Darel Dexter Uy uban sa mga kawani sa gobyerno ug mga representante gikan sa nagkadaiyang ahensya. Lakip na niini ang Provincial health office, Provincial Environmental Management Office, Office of the Provincial Accountant, Provincial legal office, Provincial Internal Audit, samtang anf nagkadaiyang LGU’s sama sa Municipality of Godod, Liloy, Pres. Manuel A. Roxas, LGU Manukan, Mutia, Sibutad, ug uban pa.
Misunod niini ang ecumenical prayer service diin nagkahiusa sa pag-ampo ang mga lider gikan sa Christian, Muslim, ug Subanen communities.
Sa iyang mensahe, gipasiugda ni Gobernador Uy ang importansya sa pagpasalamat ug panaghiusa isip pundasyon sa padayon nga kalamboan sa probinsya.
Gitapos ang programa pinaagi sa Torch and Candle Lighting sa Dipolog Boulevard, nga nagsimbolo sa paglaum, kalinaw, ug pagkahiusa sa katawhan sa Zamboanga del Norte.(IKEN B. GULLEM)