Mipahigayon ug sa ilang Fire Drill ug Fire Safety Lecture ang mga kawani sa Sindangan Central Fire Station didto sa Lorenzo Tan Multipurpose Cooperative- Sindangan, Zamboanga del Norte kaniadtong Abril 29,2026.
Ang maong aktibidad nga gipangulohan ni FSINSP FRANCIS CARL T PAULITE, MPA, Municipal Fire Marshal, isip kabahin sa nga pagpalig-on sa pasalig sa Bureau of Fire Protection sa kaluwasan ug kaandam sa publiko.
Gisugdan ang maong kalihokan pinaagi sa usa ka informative Fire Safety Lecture diin ang mga personahe naghisgot sa kasagarang hinungdan sa sunog sa mga establisemento sa Negosyo, hustong housekeeping, kaluwasan sa kuryente, ug ang kamahinungdanon sa pagmentinar sa gamit nga kagamitan sa pagpanalipod sa sunog.
Gitudlo niini ngadto sa mga empleyado ang husto nga paggamit sa mga fire extinguisher gamit ang T-PASS technique (Twist the Pin – Pull, Aim, Squeeze, Sweep), mga pamaagi sa pagbakwit sa emerhensya, ug ang kamahinungdanon sa pagpabiling kalmado panahon sa mga emerhensya sa sunog.
Homan sa maong lecture gihimo usab ang usa ka full-scale Fire Drill simulation ang gihimo aron sulayan ang plano sa pagtubag sa emerhensiya sa establisemento.
Gipalanog ang usa ka alarma isip usa ka senyales nga ang mga empleyado muhimo og hapsay nga pagbakwit paingon sa gitudlo nga assembly area.
Niining tungora ang Shift B hugot nga nagmonitor sa dagan sa pagbakwit, oras sa pagtubag, ug pagkamay tulubagon sa mga empleyado aron masiguro nga ang mga protocol sa kaluwasan husto nga gisunod.
Ang kalihokan naglakip usab sa usa ka hands-on nga demonstrasyon sa mga batakang pamaagi sa pag-away sa sunog ug tukma nga koordinasyon sa panahon sa emerhensya. Kini nga inisyatiba nagpalig-on sa panagtambayayong tali sa Bureau of Fire Protection ug sa pagdumala maong Multipurpose Cooperative-Sindangan sa pagpasiugda sa kultura sa kaluwasan ug pagpangandam sa trabahoan.
Pinaagi niini mapadayon ang edukasyon ug praktikal nga pagbansaybansay pinaagi sa Sindangan BFP Personnel nagpabilin nga lig-on sa ilang misyon sa pagpanalipod sa kinabuhi, kabtangan, ug sa kinaiyahan pinaagi sa pagsiguro sa kanunay nga kaandam sa sunog alang sa kaluwasan sa komunidad.(MEDALYN U. BORJA)
Source: BFPR9 Municipal Fire Station v2